|
ياااااااااااااااه نفسنا نكون كدا بجد
يظهر ان كلنا فى مصر موالدين تحت رجلنا كوره (حلوه تحت رجلنا كوره دى....يا جامد
وكلنا بنشجع بضمير ....الضمير اللى بنفتقده فى كل حاجه بنشجع بيه
وعندنا انواع من المشجعين (مش حارمين نفسنا من حاجه)
عندنا مشجعين بالاقتناع
ومشجعين بالوراثه
ومشجعين...شافوا هيصه قالو هيييييييييييييييه
ومش قادرين نفهم ان دى ميول
زى ما بميل لشخص معين
او بميل لمجال معين
وبميل وانا ماشى فى الشارع اقع تنكسر رقبتى
برده بميل لنادى معين .......وهى كلها ميول
واختلاف الانديه لا يفسد نجيلة الملعب (ياعينى...يا ليلى)
بس احنا فى مصر عندنا الوضع مختلف
نحن نختلف عن الاخرين ...ومش كل تييييييييييت زى تييييييييييييت (للعلم والنعمه تيييييييت دى ما شتيمه)
احنا عندنا اللى يشجع نادى يعادى النادى الاخر ومشجعين النادى الاخر واصحاب مشجعين النادى الاخر والناس اللى ساكنه فى شارع اصحاب مشجعين النادى الاخر ولو فى قطه بتتمشى فى شارع اصحاب مشجعين النادى الاخر عااااااااااااااااااادى جداً ندخل النار فى القطه دى ................ وعجبى
دا احنا عندنا انواع من المتعصبين
عندنا متعصب واعى (حلوه واعى دى ما كلهم متعصبين فى الاخر بس علشان نميزهم يعنى ليس الا)
ومتعصب غبى سورى (اسمحولى انى اقولك سورى فى وسط الكلام كدا)
يعنى زى تلميد المسّ بتقوله 3+2 يساوى كام يا حبيبى (هتندم على اليوم اللى قالت فى يا حبيبى)
يقولها 9 ...لا يا حبيى ..لا 9...لا يا بنى مش ...لا 9 ...بص يا بابا 9 ازاى ....لا 9 انا مالى
وأحلى حوار ممكن تسمعوه او تشفوه (عادى حسب المزاج )
حوار بين اهلاوى وزملكاوى بعد مباره بين الفريقين
غالباً الحوار بينتهى فى الانعاش والمشاهدين او المستمعين عادى برده
يجيلهم بعيد عنكم يعنى جلطه دماغيه (حلوه جلطه دماغيه دى)
ليييييييييييييييييييييييييييه وصلنا لكدا (ايوووه هو دا المفيييييييييييييييييد)
اصل الحكايه لو كوره وفريق ومشجع مش هتبقى كدا .....اصلها مش كدا فى الدول المتحضره (اللى هى زينا يعنى)
وعمرنا ما نسمع كلام وتريقه وشتيييمه (ربنا بس اللى عالم بيها) على الفريق التانى
لا وايييييييييييييه بنتفنن فى التعبيرات والصور المتركبه (اه متركبه )
وكلاااااااااااام........ ان دل على شئ .. فهى شخصيه من قال وتفوه به ليس الا (شكلى حبيتها تانى مره اقولها فى الملاحظه)
امتى هناخد لقب المشجعيييييييييييييييييييييييييييين المحترررررررررررررررررررامين (ومش سورى بقى ماهى حاجه تغيظ يا جدع)
المحتراميييين اللى بيشجعوا ناديهم دون الاساءه لنادى الاخر ...دا العيبه بيسلموا على بعض قبل المباره عادى
احنا بقى نحلف ميت يمين لو غلبنا هنعلمهم التييييييييييييييييييييييت أو لو اتغلبنا هنعلمهم التيييييييييييت برده
والله عيب على اللى بيقولو كدا انهم يقول كدا (وياريت متقولوش كدا بعد كدا)
ياريت نفهم يعنى ايه مشجع ومنقولش كلمه مصر النهارده وبكره ننقسم فريقين
يااااااااااااااااااااريت نفهم
اننا اهلاويه ***** زملكاويه **** قلب واحد مصراويه
واسمحولى انى اقولكم فى نهايه المووووضوع
سلااااااااااااااااااااام يا مصراويه
دا المفرووووض يا مودموازيل أنامل
ولكن كالعادة...
المفروض شيء والحقيقة شيء تاني خالص
احنا بنحب أوي ندور على حاجة تفرقنا ماتجمعناش
ياريت المفروض دا يكون على أرض الواقع
ويفهموا الحكايه
بس الحقيقه بقى هى سعادتى بوجودك لا تحرمينى منه استاذتى
مبروك على هدف الروح الرياضية يا انامل تتحدث
ههههههههههههه
الله يبارك فى حضرتك
بس ياريت كلنا نجيب اهداف من هذا النوع
اخى\ اختى (غير معروف) دامت زيارتك لمدونتى