3/19/2010
|
بواسطة انامل تتحدث
(وقولك ايه يامّا)
اول واحده حسيت بيها يوم ميلادى
ضمانى بفرحه بتدعى تطول حياتى
نكبر حبنا يكبر
فى قلبك يامّا اكتر
واول ما ننطق اسمك
قلبك بيدق اكتر
من اول يوم مشينا
فرحه قلبك لقينا
واول دموعنا نزلت
من قلبك قبل عنينا
اول ما مسكت القلم
قلبك على ايدى ضم
ودمعتك نزلت لما كتبت ام
وانا نايمه تسهرى انتى
اقع تقولى بنتى
دموعى تنزل فى ايديك
فرحى بيجرى فى وريدك
اعلى تقولى اكتر
اتكعبل يارب استر
تمدى ايدك
تسندينى
تفهمينى
تعقلينى
من غيرك انتى
من نظره بتفهمينى
نفسى اعمل اى حاجه
نفسى اقول كلمه بحبك
نفسى اوفى يامّا حتى
نقطه فى بحر جمايلك
مفيش كلام يتقال
ولا مليون صفحه فى مواله
اللى زيك انتى ع الراس لازم يتشال
انامل تتحدث
3/07/2010
|
بواسطة انامل تتحدث
(طيبين فى دنيا الجحيم)
طيبين وفى دنيا الجحيم
وفى طرقنا ماشيين حيرانين
نمد ادينا بالخير نلاقى
عذاب وويل وجرح يعيش سنين
وسط ناسى انا عشت وحيد
ومن كاس العذاب ياما ارتويت
شفت قسوه قلوب
اللى عشانهم انا ضحيت
اسأل على الكل انا
ولا حد يسأل عليّه
ولو غبت ميت سنه
ولا حد يحس بيا
دموعى تنزل عشانهم فى جرحهم
وفى جراحى يزيدوا جرحى ببعدهم
وقبل ما يفرحوا يلقونى جنبهم
وانا فرحى ميفرقش ابدأ عندهم
اسمع منهم كلام يرجع يعشمنى فيهم
ويجى الزمن يثبت انى مخدوع فيهم
ولو كلمه واحده اتقالت
انا بنسى اللى كان
بفتكر حبى ليهم
وبنسى جرح زمان
مبشلش فى قلبى ليهم
نفسى حبى يطمر فيهم
مقدرش اسيبهم اصلهم هما اللى ليا
وبعدى عنهم مش هيخفف اللى بيا
ومهما عملوا
بردوا غاليين عليا
ياترى العيب فيهم
ولا اصل العيب دا فيا
انامل تتحدث
