|
يخرب بيت اللى يفكر يشكيلك
فى يوم همومى ذادت عليا
مكنتش حاسه بحاجه حواليه
قلت اروح اشكيله همى
منها اخرج اللى بيه
ومنها اسمع نصيحه
اصلى غاليه اوى عليا
ومن غير تردد جريت عليه
اول ما شفنى قال فيه ايه
قعدت انا جنبه
وبصيت اوى فى عنيه
شكله كان غريب الليله ديه
مش عارفه كان فيه ايه
المهم للحكايه استعديت
وعلى النبى صليت
وقلت الدنيا يا عموووووو
قالى زفت وقطران
وكل انسان فيها خسران
ويوم ما تضحك تعرفى انها عليكى
وعيشى فيها مستعديها لغدرها ليكى
قلت ثانيه قصدى الناس
قال متقوليش الناس
الاحساس خلاص انداس
ومفيش حبيب صادق
ولا حد يتصاحب
دا الاخ كمان عليك
وشايل فى قلبه ليك
كره وحقد وهو اول واحد هيفرح فيك
قلت يا عمو قصدى الاحلام
ضحك بصوت عالى قالى احلام ضحكينى كمان
اسمها كوابيس
فيها ناس بتأكل لحمك
وناس فى فرحك تهيص
قلت اصل يا عمو ساعات طريقنا للنجاح بيكون صعب
قالى دا مستحيل
عايز ملييييون دليلي
ولو نجحتى متفرحيش
اكيد بعدها هتفشلى
اصل نجاح لوحده مفيش
اتنهدت اوى
اكيد حستوا بيه
قلتله مفيش قدامى غير الاخره
قالى والنار اتعملت لمين
كلنا فيها معزومين
اه احنا ممكن ندخل الجنه بطرقتين
بمعجزه او نروح نحارب ونستشهد فى فلسطين
بصتله بعد ما قرب يغمى عليه
ومش عارفه ليه صعب اوى عليه
وقلتله
وانا اللى كنت جايه احكيلك
روح يا شيخ
يخربت اللى يفكر فى يوم يشكيلك
انامل تتحدث
