|
قلت كلمه
بقيت اتنين
زادوا عليها بقيت سطرين
كل واحد يحكيها لواحد ترجع ليا
ميه ميتين
يجوا يحكوها يقولوا قلتيها
يحكوا حكايه اتوه انا فيها
ادور على كلمتى بين حكايتهم ملقهاش
اسكت واقول خلاص
هو دا اللى انا عارفه عن الناس
تقول كلمه ترجع ميه
تدور عليها متعرفهاش
وميكتفوش بالحكايات
يكتبوا اسمك على التترات
وادور فين الفايده فيها
من الحكايات اللى بيحكوها
ورب العباد شاهد عليها
تمس عرض تشرد طفل وتقفل بيت
ما احنا بقينا فاضين بس للحكايات
واللى راحت واللى جات
ومين فيهم اللى حزن ومين اللى فرحه زاد
ومش بنسيب ابداً حد فى حاله ومفيش بقى خصوصيات
وبنفرح اوى يوم ما نعرف اللى بيحصل قبل المعاد
ونجرى على التليفونات
نخبر الحبايب ونخبر الجيران
وانسى انى حكايتنا ممكن تجرح انسان
ويوم ما اكون ماكانه
اقول خلاص
مبقاش فى اخلاق يا ناس
وانسى انى ربنا بالمرصاد
وانى الاوان فات
وفيه يوم للمعاد
يبقى من الاول
ليه نزود فى الحكايات
ايك تزود فى الحكايات
ولا تحكى من كلمه روايات
.....................
انامل تتحدث
