|
( محروس هيتجوز)
المحروس قال هتجوز
اتلمت العيله والحبايب
وعلشان يكون فى نظام
قسمونا لكتايب
واهتموا اوى بالاختصاص
وعلشان تكونوا متأكدين
تم اختيارى فى قسم المخبرين
وليلاتى كلنا عند محورس متجمعين
قسم لاختيار البنات المرشحات
وقسم لجمع الاصوات
ويتكون من:
(مامته واخواته البنات وعمته صفيه وخالته شيرين)
وقسمنا الغالى بعد فرز الاصوات بنقوم بجمع البيانات
واهم البيانات
العروسه دى تبقى مين؟
يعنى قصدى بنت مين؟
او بمعنى تانى من عيله مين؟
اعمامها وزراء
اخوالها مستشارين
اخواتها ضباط طيب طياريين
باباها عضو مجلس شعب
رجل اعمال
طيب يبقى مين؟
مامتها عضوه فى جمعيات خيريه او نسائيه
كلام فى سركم مش عضوه عضوه
يعنى عضويه منظره
اصل دا الروتين
وبعدها فى حوارات
واجتماعات
ومناقشات
واستئنافات
والحكم بعد المداوله
بس يظهر كد اننا زودنا العيار على محروس حبتين
صرخ محروس وقال
ايه دا كل دا
دا شغل عيال
مش بالطريقه دى هختار
اللى تكمل معايا المشوار
مش مهم تبقى مين او من عيله مين
اهم حاجه قلبى وعقلى يختارها
وتكون متربيه على الاخلاق والدين
وكلنا كنا بكلامه مقتنعيين
هو دا الجواز مش شغل المباحث والمخبريين
وبالمناسبه محروس اجواز
وربنا رزقه
ببنوته وولدين
انامل تتحدث
