4/25/2008
|
بواسطة انامل تتحدث
(المرأة والاعلانات)
طبعاً حضرتك لاحظت زى ما احنا لاحظنا الظهور الغير عادى للمرأة فى الاعلانات شفت اللى احنا شفنا .........
ايه رأيك بقى
فى ظهور المرأة فى الاعلانات ؟
احنا رأينا انى المرأة اصبحت سلعه رخيصه نتاجر بها لجذب اصحاب النفوس الضعيفه
تظهر للتتراقص فى الاعلانات وكأنها دميه تعرض نفسها من اجل البيع والشراء من اجل اللبان والحلوى ومساحيق الغسيل والسيارات
و......و........ و.......
وكفايه كدا بقى دا كلام
المرأة التى منحها الدين الاسلامى سبل العفاف والطهاره والكرامه والحياء نتاجر بها ؟؟؟؟
ايه علاقه المرأة بأمواس الحلاقه !!!
علشان تظهر فى اعلانات امواس الحلاقه
الحكايه مش حكايه ترويج سلعه!!
وعلى رأى احمد ادام(ونسمع احلى سلام للقفاص اللى قاعده)
ياريت لا افهم خطأ انا بس كنت عايزه اوصل حاجه ويارتها تكون وصلت
ولكن المرأة من حقها المشاركه فى كافه الاعمال الشريفه بشرط الحفاظ على كرمتها
بدون اهانت نفسها
وهى بالفعل حققت انجاز كبير
رأيناه بأنفسنا
فأصبحت معلمه
طبيبه
مهندسه
صحفيه
عالمه
وشاركت فى الحقوق السياسيه
واصبحت عضوه فى البرلمان
لكن دا مش موضوعنا!!
ويمكن تكون الظروف الحالية والحلوة اوى اللى احنا فيها والعيشه الجميله والمرتبات الكويسه اوى دى
واللى بتكفى مصاريف سبع سنين قدام(الحياة بقى لونها بمبى)
طبعاً العكس صحيحه السبب بجانب الاستنزاف الاخلاقى اللى سبق وقولنا وبجانب الاسره و المجتمع و المشاهدون
لو عايز ترد على الموضوع قولنا ايه رأيك فيه
انامل تتحدث
4/24/2008
|
بواسطة انامل تتحدث
(شباب مش ناقصه حاجه)
أكتر شباب فى العالم ديماً مبسوطين
الدنيا سأله فينا ومنها مش محرومين
ضامن الوظيفه وانا لسه.لسه فى كليتى
وبفكر اتجوز ما انا ضامن شقيتى
شقق كتيررررر مرميه لنا ولكل الشباب
قدام الباب عربيه وكمان فى البنك حساب
قفلنا خلاص القهاوى ومحدش فينا فاضى
كلنا بنشتغل غير المكان الفاضى
لاربع سنين جايه وهتزيد المهيه
وبدل ما تاكل بصاره راح ناكل مهلبيه
والشرطه فى كل حته وقفين ومش قعدين
كل املهم فى الدنيا يشفونا مرتحين
وشورعنا ريقه خالص وكمان عندنا نظام
ولحد فينا بينفخ ولحد كدا تعبان
وكفايه كدا راح بيت فى النار
وقبل ما امشى
اسمعوها كلمه منى
ياااااااااااااا ناس
الكدب حرام
4/24/2008
|
بواسطة انامل تتحدث
قالهالى بكل بساطه
ميعرفش اللى فيها
والغريبه انى دعتله
ربه يفرحه بيه
لازم تدعيله يا قلبى
ولحبك ليه تخبي
وايك فيوم عليه تبكى
دا مهما كان حبيبك.
حتى لو بقلبه هيسيبك
كفايه انت تشوف عنيه...
وتحس اللى اختارها به
قلبه هو اختارها
وهى ذنبها ايه
وحياتى ادعيله يا قلبى
ربنا يسعده يفرحه فى دنياته
ما انت هتموت
لو الحزن قرب فيوم نحياته
ماهو مهما كان حبيبك
ادعيله يا قلبى
4/24/2008
|
بواسطة انامل تتحدث
(اكتب ولا اسكت)
مطلوب منى أفرح فى عز الجراح
مطلوب منى أنسى كل اللى راح
مطلوب منى أعد أيام حياتى
مطلوب منى أقفل شريط زكرياتى
ولو الواقع عجبنى وحاولت اكافح
هتزززززيد اهاتى
مطلوب منى اسقف وانحنىواتكلف الابتسامه
واقول ايامنا وردى والفرح فيها علامه
ولو صرخت وقلت
لااااااااااااااااااالا
محدش هيسمعنى غير ورقى وقلمى
ومصيرهم
( سله القمامه)
وانا شايل ليه هم بلدى!!!
ما افرح زى غيرى
فى ناس فيها بتندبح؟!!!
وانا مالى بهم غيرى
مش قادر يا بلدى
قوليلى أرجوكى
أكتب ولا أسكت
والنهايه
هى هى
4/15/2008
|
بواسطة انامل تتحدث
السلام عليكم ورحمه الله وبركاته
ازيكم يا جماعه ...اخباركم ايهفى جمعيه اسمها (طيبه للتنميه) مقرها المنيا
الجمعيه دى من ضمن اهدفها
*تقديم مساعدات للفقراء والمساكين
* التنميه البيئيه
* تقديم الخدمات الطبيه للفقراء والمساكين
وحاجات تانيه كتير اوى
الجمعيه دى فتحت منذ سنه نجحت فى مجالات كثيره ومنها النجاح فى انشاء مدرسه عبد الله بن مسعود لتحفيظ القرأن الكريم
الجمعيه دى كمان صدقه جاريه
واعضاء الجمعيه دى شباب وبنات ورجال ونساء وكمان اطفال بيجدوا متعه فى عمل الخير بل يعتبر عمل الخير هوايتهم المفضله
.jpg)
لو عايز تساعدهم وتفوز بالثواب العظيم اكتب لى فى الرد وانا هتيح لك فرصه الاتصال بهم
ومشاركتهم
4/05/2008
|
بواسطة انامل تتحدث
بسم الله الرحمن الرحيم
اليوم جئتكم بشئ مما كتبت
ولكن فى هذه المره كتبتها باللهجه الصعيديه الجميله
وكتبتها فى زحمه انتخابات
(فيرس الانتخابات)
ماشى محمد فى الصبحيه وقبل الشمس ما تحمى عليه
طل محمد لاقى عوضين سرحان مش عارف ليه
اصله مصبحش عليه
طل محمد دمعه عينه
صعيدى ومعروف بالحنيه
قالوا:
ياولد العم لو همومك ذادت قول وارميها عليا
قال عوضين:
دا امر شاغلنى وشاغل كل الناس
زى تحونه تتحن فى الراس
دخل كشف الامراض فيرس اسمه الانتخابات
السبعين متراشحين مين فينا هيرشح مين
مش بيقولوا عليا حكاوى والمعنى فيها انى عبيط
طب هحكلكم الحكايه ولو كدبتم تانى للقول والله ما اعيد
دخل الحته وقفل الجاكته ومطاطى الراس
وانا منكم وابن الحته وحكايات بالكدب يا ناس
ولما الفأس وقعت فى الراس
فتح الجاكيته وعل الراس
مش عايزين الصنف دا هو
وبقوله لك انت وهو
عايزين اللى يشمر يزرع ويبنى ويعمر
ويكون حب مصر عنده بره زى جوه
4/05/2008
|
بواسطة انامل تتحدث
(صبراً بغداد)
قتلوا عدى وقتلوا قصى .
قتلوا كل شباب الحى
هدموا البيت والارض بعوها
سرقوا النور من العين والضى
من بغداد والقدس وغيره
واللى هيصرخ بكره مصيره
نار ودمار قتل وتشريد ويكون عبره لاهل الحى
قتلوا الطفل فى حضن ابوه
والبترول والغاز سرقوه
قالوا ايه.... نووى فى ارض بلدنا
شر على الحاضر والجى
قالوا صدام ظالم وطاغوت
حاكم شعبه بالجابروت
يعنى شارون مش زيه يا ناس
ولا ماشفت فى ظلمه زى
غمى العالم كله عنيه
شاف الظلم محسيش بيه
ولما ندينا العدل ياهوه
قالوا الصبر ياعم شوى
صبرنا طال والظلم مازال
مد الصبر حبال وحبال
صار الهم جبال وجبال
امتى العدل هيجى لجى
لحظه يا سدنا البوش وستنا
لو تقتلنا فلينا الجنه
بكره هنرجع وهنتوحد
ابن العم والخال والخى
ولو مسيتم شبر فى ارضى
لحمك هكله ولو كان نى
لحمك هكله ولو كان نى
4/05/2008
|
بواسطة انامل تتحدث
(احلى مكان فى الدنيا يامصر)
احلى مكان فى الدنيا يامصر ولوكان قصر....
مش راح
يسوى فى أرضك شبر
لو امجاد الدنيا اتعدت
مش راح
تسوى فى مجدك ظفر
أيام جايه وأيام عدت
دوله مسالمه ودوله أتعدت
ياما أيدين بالشر أتمدت
وانتى لوحدك حافظه مكانك
لو فات عصر وعصر وعصر
احلى مكان فى الدنيا يامصر
شعبك شعب كريم وأصيل
زرع الارض شرب من النيل
واللى شرب من نيلك مره
عمره فى لحظه ما يبقى بخيل
شعبك شعب تحدى كمان
تشهد تشكى والاهرام
زرع الارض وعالى السد
وبنى حضاره شوفوا من كام
اللى بعيد يجى مصر قريب
واللى حزين يجى مصر سعيد
تعالوا وزوروا بلدنا الحره
تلاقوا الخير فى حماها اكيد
ياللى بتيشكى من النار دايماً
بلدى الجنه وأسمها مصر
واحلى مكان فى الدنيا يامصر
