|
(وقولك ايه يامّا)
اول واحده حسيت بيها يوم ميلادى
ضمانى بفرحه بتدعى تطول حياتى
نكبر حبنا يكبر
فى قلبك يامّا اكتر
واول ما ننطق اسمك
قلبك بيدق اكتر
من اول يوم مشينا
فرحه قلبك لقينا
واول دموعنا نزلت
من قلبك قبل عنينا
اول ما مسكت القلم
قلبك على ايدى ضم
ودمعتك نزلت لما كتبت ام
وانا نايمه تسهرى انتى
اقع تقولى بنتى
دموعى تنزل فى ايديك
فرحى بيجرى فى وريدك
اعلى تقولى اكتر
اتكعبل يارب استر
تمدى ايدك
تسندينى
تفهمينى
تعقلينى
من غيرك انتى
من نظره بتفهمينى
نفسى اعمل اى حاجه
نفسى اقول كلمه بحبك
نفسى اوفى يامّا حتى
نقطه فى بحر جمايلك
مفيش كلام يتقال
ولا مليون صفحه فى مواله
اللى زيك انتى ع الراس لازم يتشال
انامل تتحدث
الله الله الله
الله عليكى يا انامل بارك الله فيكى
مرسى كتير يا احلى ملاك
منوررررررره مدونتى
ويارب تفضل منوره بوجودك
انامل تتحدث
أنمولتي
مكنتش أعرف إن ليكِ مدونة.
أنا رواء الروح :)
مبسوطة أوي إني عرفت مدونتك هضيف نفسي مشاركة عشان أتابعك
أرق المنى
شاعرتنا العظيمه ذو القلم المضيئ رواء زيارتك شرف لى ومتابعه لمدونتى ستسعدنى كثيراً مرحباً بكر فى مدونتى اللى نورت بوجودك وفى انتظار طلتك الغاليه دائماً دمتى بخير عزيزتى
أين جديد قلمك يا هند ؟!
ان شاء الله يا احمد فى جديد بس الشغل والدراسه واخدين الوقت دعواتك