|
(صرصور لكل مواطن)
فاكرين صورصار يا مسعود .............يااااااااااه دا انا من بعدها حبيت الصرصورات حب
بس علشان مكنش ليا بيهم سابق معرفه ولا معامله فمكنتش اعرفهم كويس
المهم فى يوم من الايام ...دخل اوضتى صرصور
هو دخل اوضتى من هنا ودخل مزاجى على طول
لان دخوله الاوضه يدل على كفاحه وشجاعته وبطولاته
لقدرته على تجاوز المخابرات المنزليه بقياده (ماما)
اللى بتمنع بوتيتاً اى حشره غير مرغوب فيه (قال يعنى فى حشرات مرغوب فيها)
ويعتبر المنزل (اللى هو بتنا يعنى) مكان محظور عليهم
فلما يدخل الصرصور البيت ويتوغل حتى يصل لاوضتى
مش له حق يدخل مزاجى
خصوصاً انه دخل فى وقت حرج جداً وانا كالعاده فرشه كل محتوياتى الدراسيه على الارض علشان ارسم الماكيت (ومحدش يسألنى يعنى ايه علشان انا نفسى انساه فى الوقت الحالى)
وهو وصل لحد اول الماكيت وبصلى وانا قربتله وبصتله
فبدأ ينظر لى نظره فيها دعوه للاستعطاف
وكأينه بيقولى ابوس ايديكى يا شيخه ما تعمليلى حاجه من اللى فى بالى
دا انا غلباااااااااااااااااااااااان
وبربى 9 صرصورات وامهم
احكيلك شويه عن امهم
(موسيقى تصويريه ونفس عميق)
انا كنت بحبها.... اتجوزنا عن حب
لكن مامتها الله يسامحها( اللى هى حماة الصرصور)
قالتلها جوزك علشان تحكميه باعياله تخيليه
والنتيجه انى عندى تسعه صرصورات وامهم ...
وكأينه قالى كل دا
فبناء على كلامه صرخت
اييييييييييييييييييييييييييييه يا صرصور انت؟؟؟ بتتفرج على افلام عربى كتير ولا ايه؟؟؟
ونازل لوك لوك لوك لوك ....صرصورات اخر زمن والله
خلاص انا سمحتلك انك تقعد فى الاوضه بس بشرط (واووووووو)
اتجول فى ارضيت الاوضه زى ما انت عايز هتفكر مجرد تفكير
فى انك تصعد اى حاجه تتصعد فى الاوضه
هيكووووووووووووووون اخرتك على ايدى ان شاء الله
اتفقنا
والغريبه ان الصرصور بدأ يتجول بالفعل فبصتله وابتسمت وقلت (شكلك فاهم يا نصه)
وبدأ الصرصور يرتب حياته الجديده فى أوضتى وبدأت حياتى معاه
انتظررررررررررررررررونا
فى الحلقات القادمه
انامل تتحدث
أضحك الله أيامك يا هند
احمد واضحك سنك دائماً فى انتظارك فى باقى الحلقات
دمت بخير دائماً
انامل تتحدث