والان وبعد طوووووول انتظار
(الحلقه الثالثه)

الحلقه الثانيه انتهت على
صررررررررررررررريخ انامل
خيييييييييييييييييييييييييييييييييييييييانه

بقى كدا ........دول 10 صرصورات وامهم
انت بتكدب عليه دى اخر حاجه كنت اتوقعه منك
انك تتطلع كداب 10 صرصورات
ربنا على الكداب والمفترى يا شيخ
انا وثقت فيك وكنت هعيش معاك زى الحلوه فى السندوشتات
ايه دا
وبعد كدا احنا متفقناش اصلاً انهم يسكونوا معاااااااااااااااااااااااااك
ياحلاوه .....اعمل ايه انا دلوقت
ادى اخرت اللى يأمن لكلام صرصور
طيب لو ماما عرفت الاتفاق دا
واكتشفتك انت ومصنع الصرصورات اللى معاك
انا تقريباً طبعاً
هيجيلى قرار ازاله من البيت...
انا ايه اللى عملته فى نفسى دا
بقولك ايه رد عليه
وبعد لحظه صمت عميقه بفكر فيها ايه اللى ممكن يحصل فيا لو اكتشف الامر من قبل ماما
ولحظه صمت من صرصور باشا
بصلى ونظره استعطاف اخرى (يادى النيله)
وكأينه بيقولى
طيب حطى نفسك مكانى يا شيخه انا راضى ذمتك
اسيب ولادى ازاى
ازاى استمتع بالحياه من غيرهم
عمرك شفتى اب يرمى اولاده
فى حاجه اسمها الوفاء والاخلاص ولا انتم متسمعوش عنه ولا ايه
وبعد كدا الصرصور العاشر دا مش ابنى
انا مش بكدب عليكى
دا ابن اختى
حب يجى معانا اقوله لا
يعنى ترضى اكسر قلب ابن اختى
وبعد كدا الخال والد ولا ايه
اتقى ربُنا وحكّمى ضميرك
وكأينه قالى كل دا
تصور عندك حق ازاى تسيب ولادك ولا مراتك ولا حتى ابن اختك
ماهى قاعده ببلاش
واكل ،شارب، نايم ببلاش
بس انت علمتنى درس تانى الاخلاص والوفاء والصدق خد الحكمه من افواه الصرصورات بردك
لكن لاء
انا كدا هعيش فى (بلا عه)
وافرض مثلاُ يعنى انى ماما دخلت لقيت حد من اولادك بيلعب بره
انتم نهاايتك معروفه بعدها بس انا ..................
ياعم لا لحد كدا وكفايه يلا خد كل محتوياتك من الاوضه بتاعتى وارحل
وخلينا اصحاب من بعيد
ودا اخر كلام بينى وبينك
وبينما الصرصور بيجهز نفسه هو واولاده للرحيل كان ابن اخت الصرصور بيلعب جنبى
كل ما يجى يبصلى ابعد عنيا عنه (ربنا ما يوريكوا نظره استعطاف الصرصورات )
وكأينه قالى
انت ليه عملتى كدا
انامل: اصل انت لو فكرت فى الحكايه هتلاقيها غلطه من البدايه
ازاى استضيف صرصور فى اوضتى
دى حاجه مقرفه اوى
ثانياً هو مطلعش صرصور واحد دول 9 صرصورات وابوهم وامهم وابن اخت ابوهم
ابن اخت الصرصور: بس خالو مكنش ينفع يقعد لوحده دى تبقى خيانه لزجته واوالاده
انامل : ما انا عارفه بس انا ذنبى ايه وبعد كدا دى اوضتى من الاساس يعنى ادخل فيها اللى انا عايزه
ابن اخت الصرصور : يظهر ان مفيش فايده فى الكلام معاكى احنا كدا اخرتنا خيانه عهد او ضربه شبشب
ديماً الانسان يغلط والصرصور يدفع الثمن
انامل : فى نفسويتها لا كدا دخلت الحكايه فى الجد ودى صورتنا نحن بنى البشر امام الصرصورات
انا الان فى مهمه بشريه
استنى يا صرصور يا صغير انت يا ابن اخت الصرصور الكبير قول لخالك انا وفقت انكم تقعده كلكم معايا
وفى هذه اللحظه الجمييييييييييييييييله اللى كانت محتاجه حضن كبير بس مكنش ينفع ابداً حفاظاً على ارواح الصرصورات
سمعنا صوت الباب بينفتح
انتظرونا فى الحلقه القادمه

انامل تتحدث