|
كشف وسجل عندك يا نبيييييييييييييييع...( اللى هو ربيع يعنى، ابقى احكيلكم حكايته مره تانيه)
اكتب عندك يا بنى(اللى هو اي حد مش كل حاجه تسألوا عليها)
استلمت أنا الموقع أدناه وفقاً لحقوقى المنزليه وطبقاً لمنوابات الجلوس المعتاده والمتفق عليها من قبل على جهاز الحاسب الالى( اللى هو الكمبيوتر يعنى )
عدد واحده تربيزه كمبيوتر وضع عليها الحاسب الالى ( دا غير الكمبيوتر اللى فى الاول )
4 كوب احدها به آثار شاى والثانيه قهوه والثالثه عصير برتقالى اللون(شكله كان عصير برتقال والله أعلم)
والاخيره لن اعثر على آثارها حتى الان
عدد ثلاثه mouse( اللى هى الفاره كما يدعوها البعض) وللعلم أحدها فقط هى التى تعمل والباقى منظره
مشبك غسيل (اللى جايبه فى المكان دا وجاى مع مييييين والنعمه يا باشا ما عندى خلفيه عن الموضوع)
عدد 2 موبيل و 1 شاحن ( الموبيل التانى شحنه مش موجود أبقوا فكرونى أدور عليه)
عدد 4 قلم فئه: 1 رصاص و2 أزرق و1 ازرق برده (بس مختلفين الاتنين الاولنين فرنساوى والاخير بريمه)
عدد 2 ورقه( فاضيه )
عدد 1 ريموت تلفاز ( يا خراشى اللى جابه دا .. ما علينا)
عدد 2 زجاجه مياه ( فيهم مايه)
عدد ا شوووووراب .. ايه شوووراب اقفل الورقه بالمفتاح وتعالى ورايه يا بنى
دا اللى يونكن ابداً شورراب يا خراشى
هى حصلت بيعمل ايه دا على تربيزه الكمبيوتر
يا وااااااااااااااااااااااااااااد
يا نبييييييييييييييييييييييييييييييييييييييييييييييييييييييييع
انامل تتحدث
